Всемирный курултай башкир

Йәшлекте оҙайтыу өсөн иң яҡшы ысул.

Ҡоҙғон-Әхмәр ауылы халҡы скандинавса атлап йөрөй. Был – башлыса өлкән быуын кешеләренең шөғөлө. Район-ара йыйында ҡунаҡтар алдында үҙ тәжрибәһе менән уртаҡлаштылар.

Ҡоҙғон-Әхмәрҙә “Айыҡ ауыл-2019” республика конкурсы сиктәрендә йыйын үтте. 

Бында айыҡ тормош алып барған, спорт яратҡан халыҡ йәшәй. Балалар “Күңелле старт”та ярышты, ололар шахмат-шашка буйынса турнир үткәрҙе. 

Байрамда тиҙ шашка буйынса донъя чемпионы, халыҡ-ара гроссмейстер Айнур Шәйбәков, Бөтә донъя башҡорттары ҡоролтайы Башҡарма комитеты рәйесе Искәндәр Юлдашев та ҡатнашты.

Ҡунаҡтар ат сабышын ҡараны. Бәйгегә күрше Әбйәлил, Баймаҡ, Бөрйән, Учалы райондарынан да килгәндәр.

Белорет районы башҡорттары ҡоролтайы етәксеһе Илгиз Теләүбаев әйтеүенсә, “Айыҡ ауыл” конкурсында райондан 6 ауыл ҡатнаша, һәр береһе эскелеккә ҡаршы ошондай күркәм саралар әҙерләй.

Ниагара шарлауығы Башҡортостан флагы төҫтәренә мансылды.

Республика көнө айҡанлы Канадалағы Ниагара шарлауығын Башҡортостан флагы төҫөнә “буяғандар”. 

Был хәл ундағы ваҡыт менән 11 октябрҙә 22.00 сәғәттә (Өфө ваҡыты менән 12 октябрҙә иртәнге етелә) теркәлгән.

Шарлауыҡ зәңгәр, аҡ, йәшел төҫтәргә мансылғанда, салют атҡандар. Канадала йәшәгән милләттәштәребеҙ 
милли кейемдә килгән һәм Башҡортостан әләмен күтәргән. Байрам сараһына килеүселәр баянда туған моңдарҙы уйнаған, башҡорт теленлә йырҙар йырлаған. 

Был сағыу акцияны үткәреү тураһында Ниагара шарлауығы хакимиәте менән Канадалағы башҡорттар ҡоролтайына нигеҙ һалған Фәриҙә Сәмерханова һөйләшкән.

Арғымаҡ төркөмө Санкт-Петербург халҡын бейетте!

Санкт-Петербург ҡалаһында үткән Башҡорт мәғрифәте һәм мәҙәниәте көндәре концерт менән тамамланды. Сарала Бөтә донъя башҡорттары ҡоролтайы урындағы ҡоролтайға милли кейем һәм башҡа бүләктәр тапшырҙы. Концертта Ҡоролтайҙың Президиум рәйесе Эльвира Айытҡолова, Халыҡ-ара мөнәсәбәттәр һәм Санкт-Петербургта миграция сәйәсәтен тормошҡа ашырыу комитеты бүлеге етәксеһе Сергей Репкин сығыш яһаны. “Арғымаҡ” төркөмө йырҙарына тамашасылар ҡушылып йырланы һәм бейене. 

Башҡорт мәғрифәте һәм мәҙәниәте көндәре сиктәрендә өс көн буйы мастер-класстар ойошторолдо. Унда шөғөлләнеүселәр яңы һөнәрҙәрен күрһәтте: ҡыҙҙар “Гөлкәй” бейеүен башҡарҙы, вокал буйынса оҫталыҡ дәресенә йөрөүселәр “Ирәндек” башҡорт йырын йырланы һәм “Ҡымыҙ” бейеүен күрһәтте.
______________________________

Дни башкирской культуры и просвещения завершились в г.Санкт-Петербург завершились концертом

На закрытии Всемирный Курултай башкир вручил местному Курултаю костюмы и другие подарки. Также на мероприятии с поздравительной речью выступили председатель Президиума Курултая Эльвира Аиткулова, начальник отдела Комитета по межнациональным отношениям и реализации миграционной политики в Санкт-Петербурге Сергей Репкин. А под песни этно-рок группы «Аргымак» танцевал весь зал.

В рамках Дней башкирской культуры и просвещения в течение трёх дней проходили мастер-классы. На закрытии можно было увидеть результаты этих уроков. Так, ребята станцевали «Гулькай», а вокалисты спели песню «Ирандек».

Немец телеканалы айыҡ ауылдар тәжрибәһен өйрәнә.

Германияның ZDF федераль телеканалы Белорет районы Ҡоҙғон-Әхмәр ауылындағы район-ара йыйын тураһында репортаж әҙерләй.

Ижади төркөм ауыл халҡы менән осрашты, Харуновтар ғаиләһе менән яҡындан танышты. Ғаилә башлығы Раян -фермер, уның хужалығында 100 баштан ашыу мал. Ҡатыны Гөлфинә менән 3 бала тәрбиәләйҙәр. Уларҙың өлгөлө ғаиләһе миҫалында журналистар ауылдағы айыҡлыҡҡа моданы өйрәнде. Бынан тыш, алкоголь һатыуҙан баш тартҡан эшҡыуарҙар менән осрашты. 

Журналистар “Ҡоҙғон-Әхмәр йыйыны” тураһында ла һөйләйәсәк. Байрам “Айыҡ ауыл-2019” республика конкурсы сиктәрендә үтә. 

Мәғлүмәт өсөн. Немец телевидениеһының ZDF каналы- Европала иң эре каналдарҙың береһе. Германияла ғына аудиторияһы- яҡынса 80 миллион тамашасы. Көнбайыш һәм Көнсығыш Европаның бөтә илдәре ҡарай.

Санкт-Петербургта Башҡорт мәҙәниәте һәм мәғрифәте көндәре бөгөн тамамлана.
⠀
Әлеге мәлдә “Рекорд” йәштәр йортонда балалар өсөн квест уйыны уҙғарыла. Кескәй дуҫтарыбыҙ өсөн ойошторолған был сара Башҡортостан тарихы буйынса белемде киңәйтеүгә йүнәлтелгән. Иң активтар “Тамыр” телеканалынан дисктар менән бүләкләнәсәк.
⠀
Йәштәр йортоноң икенсе залында ата-әсәләр, уҡытыусылар һәм Санкт-Петербургтың педагогия ВУЗдары студенттары менән осрашыу бара. Тап ошонда башҡорт телен өйрәнеү өсөн мобиль ҡушымталар, Башҡортостандың алдынғы юғары уҡыу йорттары һәм мәктәптәре, “Башҡорт теле илселәре” проекты менән таныштыралар.
⠀
Артабан һәр теләгән кеше башҡорт халҡына арналған махсус күргәҙмәне ҡарай ала. Башҡорт мәҙәниәте һәм мәғрифәте көндәре “Арғымаҡ” төркөмө концерты менән тамамлана.

Санкт-Петербургта социаль проекттар һаны артасаҡ!

Бөгөн Башҡорт мәҙәниәте һәм мәғрифәте көндәре сиктәрендә Ҡоролтайҙың Башҡарма комитеты ағзаһы, Йәш яҡташтар берлектәре ассоциацияһы рәйесе Байрас Азаматов социаль-проекттар буйынса мастер-класс уҙғарҙы.
⠀
Санкт-Петербург ҡалаһында йәшәгән яҡташтарҙы проект яҙыу серҙәренә төшөндөрҙө, уларға гранттар алыу системаһын аңлатты һәм үҙенең тәжрибәһе менән бүлеште.
⠀
“Таврида” форумында 2 млн һумлыҡ грант алған “Арғымаҡ” төркөмө солисы Ринат Рамазанов та гранттар алыуҙың мөмкинселектәрен һөйләне.

Башҡорт балаһы мин, 
Ер хәтерендә 
Мең йыл уйылып ҡалған эҙем бар. 

Республиканың халыҡ шағиры Рауил Бикбаевтың исеме мәңгеләштереләсәк! 

Ошо турала указға Башҡортостан Башлығы Радий Хәбиров ҡул ҡуйҙы. Документҡа ярашлы, БР Хөкүмәтенә Рауил Бикбаевтың тормошо, йәмәғәт, фән һәм ижади эшмәкәрлеге тураһында дәүләт мультимедиялы материалдар архивын булдырырға, сайт әҙерләргә ҡушылды. Йыл һайын халыҡ шағирының тормошона һәм ижадына арналған шиғриәт фестивалдәре, ғилми-ғәмәли конференциялар уҙғарыу ҡаралған, шулай уҡ, Башҡортостан вуздары студенттарына актив йәмәғәт эшмәкәрлектәре өсөн Рауил Бикбаев исемендәге стипендия алыу мөмкинлеге бар. Өфөләге 102-се Башҡорт гимназияһына Рауил Бикбаев исеме биреләсәк. 

Өфө ҡала советына ҡаланың бер урамына Рауил Бикбаев исемен бирергә тәҡдим ителде.

Өфө Хакимиәтенә үҙ сиратында Рауил Бикбаев йәшәгән Менделеев урамының 148/3 йортона халыҡ шағиры барельефы менән мемориаль таҡта ҡуйырға, Рауил Бикбаев исеме менән бәйле иҫтәлекле урындарҙы төҙөкләндерергә, Өфөнөң бер музейына шағирға арналған экспозиция эшләргә тәҡдим ителде. 

Башҡортостандың халыҡ шағиры Рауил Бикбаев быйыл 23 апрелдә 81 йәшендә ауыр сирҙән һуң беҙҙең аранан китте.

Республика көнөндә режиссер Булат Йосоповтың «Бабич» тарихи фильмында төп ролде башҡарған Илгиз Таһировҡа һәм уның ижадташтары Рәмзил Сәлмәнов, Радмир Абдуллинға Шәйехзада Бабич исемендәге дәүләт йәштәр премияһы тапшырылды.

Әҙәбиәт, сәнғәт һәм архитектура өлкәһендәге дәүләт йәштәр премияһы, шулай уҡ, башҡорт легендалары мотивтары буйынса тәүге музыкаль әкиәт тыуҙырған ижади коллективҡа һәм «Арғымаҡ» төркөмө артистарына бирелде. Юғары награданы Республика башлығы хакимиәте етәксеһе Александр Сидякин тапшырҙы.

Башҡортостан Хөкүмәте йортонда журналистарға Шәһит Хоҙайбирҙин исемендәге премияларҙы тапшырыу тантанаһы ла үтте. Быйыл абруйлы наградаға дүрт журналист лайыҡ булды: «Башҡортостан» гәзитенең бүлек мөдире Лариса Абдуллина, “Башинформ” агентлығы корреспонденты Азат Ғиззәтуллин, «Ҡыҙыл таң » гәзитенең бүлек мөдире Фәнүз Хәбибуллин, Башҡортостан юлдаш телевидениеһының Яңылыҡтар хеҙмәте хәбәрсеһе Рафиҡ Әхмәтшин да бар. 
Быйыл премияға бөтәһе 17 журналист дәғүә итте.

Сығанаҡ: “Яңылыҡтар”, БЮТ

Санкт-Петербург “Ирәндек” фольклор ансамбле һәм Башҡорт мәҙәниәте музейы етәксеһе Илүзә Йосопова байрам тәьҫораттары менән уртаҡлаша.

Әле сараларҙа ҡатнашыусылар “Бабич” фильмын ҡарай. Фильмдан һуң режиссер Булат Йосопов менән һөйләшеү була.

Халыҡтар дуҫлығы йортонда (Потемкинская, 2) Башҡорт мәҙәниәте музейының исем туйы. 

Ҡунаҡтарға йыл башында ғына асылған музейҙың тәүге экспонаттарын күрһәттеләр. Музей әлегә бәләкәй генә бүлмә биләй. Санкт-Петербургтағы милләттәштәребеҙ бергәләп экспонаттар менән тулыландыра.

Бөтә донъя башҡорттары ҡоролтайы дәүләт символикаһы, китаптар бүләк итте.