«Таҙа Һаҡмар» акцияһы Баймаҡ районында 11 ауыл халҡын берләштерҙе

3Баймаҡ районында 11 ауыл биләмәһе “Таҙа Һаҡмар” акцияһында ҡатнашты. Өмәгә алты йәштән алып 80-гәсә бөтә ауыл халҡы сыҡты. Акция һөҙөмтәһендә 100 тоннанан ашыу сүп-сар сығарылды. Ошо сара менән бер рәттән районда “Таҙа яр” акцияһы ла үтте. Уның сиктәрендә Ғәҙелша шарлауығы, Талҡаҫ һәм Граф күлдәре буйы, Йылайыр, Йолалы, Урғаҙа, Төйәләҫ яны таҙаланды.

5– Баймаҡтар бының менән генә туҡталып ҡалырға йыйынмай, яҡын арала күпләп ағас ултыртырға ла йыйынабыҙ, – тип хәбәр иттеләр урындағы башҡорттар ҡоролтайынан.

«Таҙа Һаҡмар» эстафетаһын иһә 30 майҙа Баймаҡ әүҙемселәре йылайырҙарға тапшырҙы. Баймаҡтар ике тирмә ҡороп, күршеләрен ҡымыҙ менән һыйлап, сараны йыр-моң менән биҙәһә, йылайырҙар акцияның эмблемаһы төшөрөлгән әләмдәр тотоп эстафетаны ихлас ҡабул итте.

Комментировать

Ваш e-mail не будет опубликован. Обязательные поля помечены *