Рәмил Килмәмәтов. Был әле генә булғайны…

Тап ошо исем аҫтында Башҡортостан Республикаһының Милли музейында фоторәссам, БР-ҙың халыҡ рәссамы, РФ-ның атҡаҙанған мәҙәниәт эшмәкәре, художестволы фотоһүрәт буйынса “башҡорт мәктәбенә” нигеҙ һалыусы Рәмил Килмәмәтовтың тыуыуына 70 йыл тулыуына арналған фотокүргәҙмә асыла.

Күргәҙмәнең экспозицияһында фоторәссамдың төрлө йылдарҙағы һайланып алынған эштәре урынлаштырыласаҡ. 10 сентябрҙә 16.00 сәғәттә асыла, тип хәбәр итә Мәҙәниәт министрлығы.

Рәмил Килмәмәтовтың эштәре Рәсәй Федерацияһының мәҙәниәт министрлығында, Рәсәйҙең халыҡтар ижады йортонда, БР-ҙың Милли музей һәм Дәүләт архивы фондтарында, бынан тыш Париж, Лондон, Барселона, Лос-Анджелес ҡалаларының замана сәнғәте музейҙары коллекцияларында һаҡлана.

На русском
 

Учите башкирский онлайн!

Начинаются курсы дистанционного обучения башкирскому языку для соотечественников за рубежом. 

На портале “Баш.easy” создан виртуальный кабинет башкирского языка. Это полноценные онлайн-занятия: аудио и видеочаты, обучающий контент. Занятия будут проводить передовые учителя башкирского языка школ республики. Запланировано 34 занятия, которые будут проводиться по воскресеньям с 15 сентября по 31 мая 2020 г. По техническому оснащению- нужен доступ в Интернет, стационарный компьютер или мобильный телефон. 


Онлайн-занятия стартуют в рамках республиканской акции “Послы родного языка”. Проект объявлен Министерством образования Республики Башкортостан и Ресурсным центром по национальному образованию в целях сохранения и развития языка. 


Он призван поддержать интерес слушателей к родной башкирской речи, желание узнавать больше о Башкортостане и людях, говорящих на башкирском языке, стремление как можно больше читать по-башкирски и знакомиться с культурой башкирского народа.

Всем желающим изучить башкирский язык и принять участие в акции необходимо пройти регистрацию по указанному адресу: https://www.basheasy.com/.
Контакты для справок 8(347)216-36-35, электронная почта: rsentr@inbox.ru

На русском
 

“Йөрәк һүҙе” финалына кем эләкте?

“Йөрәк һүҙе-2019” шиғриәт бәйгеһендә майҙан тотасаҡ конкурсанттар билдәләнде.

Уларҙы әҙәбиәт, сәнғәт өлкәһендә исемдәре танылған шәхестәрҙән торған эксперт комиссияһы һайлап алды
9 ноябрҙә “Башҡортостан” дәүләт концерт залы сәхнәһенә финалға сығасаҡ конкурсанттар:
М. Ғафури исемендәге Башҡорт дәүләт академия драма театрынан Суфия Ҡорбанғәлиева, Римма Ҡаһарманова, Морат Рафиҡов, Гөлмирә Исмәғилева, Фәнис Рәхмәтов, М. Кәрим исемендәге Милли йәштәр театрынан Нәғим Нурғәлин, Илгиз Таһиров, Шәһит Хамматов, Вадим Ҡылысов, Стәрлетамаҡ дәүләт башҡорт драма театрынан Зөлфиә Хәлилова, Салауат дәүләт башҡорт драма театрынан Нәүфилә Яҡупова, Сибай дәүләт башҡорт драма театрынан Юнир Ғәйнуллин, “Нур” Өфө дәүләт татар драма театрынан Гөлназ Мөхәмәҙиева, билдәле режиссер Әлмира Ҡыуатова, шәхси эшмәкәр Земфира Байбулдина, “Юлдаш” радиоканалы алып барыусыһы Фәрүәз Урманшин.

Шулай уҡ, “Нур” Өфө дәүләт татар драма театрынан Лина Ғәниева, Башҡорт дәүләт филармонияһынан Эльмира Юлдашева ҡатнашыу хоҡуғына дәғүә итә.
Быйылғы “Йөрәк һүҙе” шиғриәт бәйгеһе Театр йылына арнала. Еңеүсегә әҙерләнгән төп приз – автомобиль.

 

Башҡорт телен өйрәнеү курстары!

Башҡортостандың Мәғарифты үҫтереү институты 16 сентябрҙән башҡорт телен өйрәнеү буйынса курстар үткәрә башлай.

Курстар түләүһеҙ нигеҙҙә көндөҙгө һәм ситтән тороп уҡыу формаларында ойошторола. Башҡорт телен теләгән һәр кем өйрәнә ала. Дәрестәр киске ваҡытта үтәсәк: 18:00 – 20:00 сәғәттәрҙә. Төркөмдәр башҡорт телен белеү кимәленә ҡарап төҙөлә.

Республикабыҙҙың дәүләт статусындағы башҡорт телен өйрәнеү курстарына йөрөү өсөн Башҡортостандың Мәғарифты үҫтереү институтына (Өфө ҡалаһы, Минһажев урамы, 120, 216-сы бүлмә) мөрәжәғәт итегеҙ. Белешмәләр өсөн телефон: 8-347-228-25-04, (эске номер 2-41). Электрон адрес: bashyaz@mail.ru

На русском
 

Хөрмәтле Радий Фәрит улы! / Уважаемый Радий Фаритович!

Бөтә донъя башҡорттар ҡоролтайы Һеҙҙе Башҡортостан Республикаһы Башлығы итеп һайланыуығыҙ менән ысын күңелдән тәбрик итә!

Республика ҡала һәм райондары, ауылдары халҡы тап һеҙҙең өсөн үҙ тауышын бирҙе. Яҡташтарыбыҙҙың аҡыл менән генә түгел, йөрәк менән дә ҡарар ҡабул итеүҙәренә шикләнмәйбеҙ. Һеҙ үҙегеҙҙе олпат сәйәсмән, төплө етәксе, ғәйрәтле һәм принциптарына тоғро кеше тип таныттығыҙ. Еңеүегеҙ Һеҙҙең халыҡ араһында абруйығыҙ, кешеләрҙең республиканың социаль-иҡтисади үҫеше буйынса Һеҙ һайлаған юлын хуплауын дәлилләй.

Продолжить чтение…
 

Милли мәҙәниәттәр фестивале — Өфөлә

15 сентябрҙә Иван Якутов ис. мәҙәниәт паркында «Азияның көйҙәре һәм ритмдары» милли мәҙәниәттәр фестивале үтәсәк. Ул Халыҡтар дуҫлығы йорто барлыҡҡа килеүенең 25 йыллығына арнала.

Сарала милли-мәҙәни йәмәғәт ойошмалары, мәҙәниәт һәм сәнғәт әһелдәре, һәүәҫкәр ижад коллективтары, студенттар ҡатнашасаҡ.

«Фестиваль өсөнсө тапҡыр үткәрелә. Ҡатнашыусыларға башҡорт, татар, ҡаҙаҡ, төркмән,ҡырғыҙ, үзбәк һәм башҡа халыҡтарҙың йыр-моң, бейеү өлкәһендәге өлгөләре күрһәтеләсәк» — тип әйтәләр Мәҙәниәт министрлығында.

Фестиваль 13.00 сәғәттә башлана.

На русском
 

«Беренсе Республика» — SKEY-CINEMA Халыҡ-ара кинофестиваленең еңеүсеһе.

Жюриҙың бер тауыштан ҡарар итеүе буйынса кинокартина «Иң яҡшы тулы метрлы фильм» тип танылды. Фильм режиссеры — Булат Йосопов, Бөтә донъя башҡорттары ҡоролтайының Башҡарма комитеты ағзаһы. Шулай уҡ Мостай Кәрим исемендәге Йәштәр милли театры актрисаһы Лилиә Исҡужина «Икенсе пландағы ҡатын-ҡыҙ роле» номинацияһында еңеүсе булды. Ул Һәҙиә Дәүләтшина ролен башҡарҙы.

Продолжить чтение…
 

Ханты-Манси автономиялы округында башҡорт телен өйрәнәләр

Сургутта башҡорт теле һәм әҙәбиәтен, Башҡортостан мәҙәниәтен һәм тарихын өйрәнеү буйынса өҫтәлмә белем биреү мәктәбе эш башланы. Уҡытыусылар Гөлсирә Әбдрәшитова һәм Зөһрә Мәүлетҡолова “Башҡортостан — тыуған яғым” тигән темаға доклад яһаны, яңы уҡыу йылына эш планы менән таныштырҙы.

Уҡыусылар йәш буйынса бер нисә төркөмгә бүленә. 7-12 йәшлектәр кесе төркөм, 12 йәштән 17-гә тиклем – уртансы төркөм һәм ололар.

Продолжить чтение…
 

Беҙ булдырҙыҡ! / Мы это сделали!

Беҙ булдырҙыҡ! БР Башлығы Хакимиәтенә, мәғариф, мәҙәниәт, йәштәр сәйәсәте һәм спорт Министрлыҡтарына, Өфө ҡалаһы хакимиәте, ирекмәндәргә, “БСТ”, “Юлдаш” командаларына һәм флешмобта ҡатнашҡан һәр кемгә рәхмәтебеҙҙе еткерәбеҙ!

Мы это сделали! Спасибо Администрации Главы РБ, Министерству культуры РБ, Министерству образования РБ, Министерству молодёжной политики и спорта РБ, Администрации г. Уфа, волонтёрам, «БСТ», «Юлдаш» и всем тем, кто пришёл и спел!!!

 

Президиум, Башҡарма комитет һәм аппарат ағзалары бергә сираттағы йыйылыш үткәрҙеләр

Бөгөн Бөтә донъя башҡорттары ҡоролтайы Президиумы ағзалары, Башҡарма комитеты комиссиялары етәкселәре һәм комиссияларға беркетелгән аппарат белгестәре менән сираттағы йыйылыш үтте.

Ултырыш барышында район ҡоролтайҙары менән әүҙем эшләргә һөйләшелде. V Бөтә донъя башҡорттары ҡоролтайы, сит төбәктәрҙәге башҡорт йәмәғәтселеге менән осрашыу йомғаҡтары буйынса Башҡортостан Республикаһы Башлығы ҡарарҙары менән танышыу, фекер алышыу үтте.

Осрашыуҙа “Шайморатов вариҫтары” проекты, “Айыҡ ауыл” конкурсы һәм сит төбәктәрҙә үткәрелгән Башҡорт мәҙәниәте һәм мәғарифы көндәре буйынса бөгөнгө көнгә ҡарата һөҙөмтәләр һәм киләсәккә ниәттәр тураһында ла һүҙ барҙы.

На русском